Sanitarlyq-epidemiologiialyq baqylaý komitetiniń tóraǵasy Aijan Esmaǵambetova vaktsina saldyrý jáne PTR-test tapsyrý mindeti qandai ujymdarda engiziletinin túsindirdi, dep habarlaidy Sputnik Qazaqstan.
Vedomstvoaralyq komissiia qyzmet kórsetý salasynyń, ónerkásip kásiporyndarynyń jáne ózge de uiymdasqan ujymdardyń qyzmetkerleri úshin mindetti vaktsina saldyrý, al ekpeden bas tartqan jaǵdaida mindetti PTR-testileýdi engizýdi usyndy. Sanitarlyq-epidemiologiialyq baqylaý komitetiniń tóraǵasy Aijan Esmaǵambetovanyń aitýynsha, uiymdasqan ujymǵa 20 adamnan astam qyzmetkeri bar ujym jatady.
"Uiymdasqan ujym degenimiz - 20 adamnan artyq qyzmetkeri bar ujym, iaǵni dál osy ujymdardy mindetti vaktsinalaý, al ekpeden bas tartqan jaǵdaida PTR-test tapsyrý talaby qoiylady", - dedi Esmaǵambetova.
Osy oraida komitet basshysy vedomstvoaralyq komissiianyń usynystary bas memlekettik sanitarlyq dárigerdiń qaýlysynan keiin zańdy kúshine enetinin jetkizdi.
Aita keteiik, koronavirýs infektsiiacynyń taralýyna jol bermeý jónindegi vedomstvoaralyq komissiia Qazaqstannyń bas memlekettik sanitar dárigerine karantindi kúsheitý boiynsha qosymsha sharalar qabyldaýdy usyndy. Olar:
COVID-19-ǵa qarsy vaktsinasyz (turaqty meditsinalyq qarsy kórsetilimderi bar jáne aýyryp shyqqan adamdardy qospaǵanda) qyzmet kórsetý salasynyń qyzmetkerleri, iri uiymdasqan ujymdar (ónerkásiptik kásiporyndar) úshin jumysqa kirýge shekteý engizý;
KVI-ǵa qarsy vaktsina alýdan bas tartatyn (KVI-ǵa qarsy vaktsinalaýǵa meditsinalyq qarsy kórsetilimderi joq azamattar) qyzmet kórsetý salasynyń, ónerkásip kásiporyndarynyń jáne ózge de uiymdasqan ujymdardyń qyzmetkerleri úshin mindetti PTR-testileý talabyn engizý;
"Ashyq" jobasyna jańa kásipkerlik sýbektilerin qosý úshin, sondai-aq joba aiasynda jumys istep turǵan sýbektilerdiń jumysyn odan ári jalǵastyrý úshin barlyq personaldy (turaqty meditsinalyq qarsy kórsetilimderi bar jáne aýyryp shyqqan adamdardy qospaǵanda) vaktsinalaý qajettiligi jóninde talap engizý;
"Ashyq" jobasyna saýda oiyn-saýyq ortalyqtaryn, saýda úileri men azyq-túlik emes bazarlardy qosý.
Bas memlekettik sanitar dárigerdiń tiisti qaýlysy shyqqannan keiin osy talaptar zańdy kúshine enedi.
