Foto: tobolinfo.kz
Qostanai oblysynyń Jitiqara qalasyndaǵy aýrýhanada júkti áiel qaitys boldy. Onyń artynda úsh kishkentai balasy qaldy, - dep habarlaidy Tengrinews.kz.
31 jastaǵy júkti áieldiń meditsinalyq mekeme qabyrǵasynda qaitys bolǵanyn Densaýlyq saqtaý basqarmasy rastady. Tergeý jumystaryna túrli vedomstvo jumyldyrylǵan.
"Aimaqtyq mamandardy tarta otyryp qyzmettik tekserý júrgizildi. Syrttai tekserýler de taǵaiyndaldy. Meditsinalyq jáne farmatsevtikalyq baqylaý komitetiniń Qostanai oblysy boiynsha departamenti men Astana qalasynyń Akýsherlik, ginekologiia jáne perinatologiia ǵylymi ortalyǵy Jitiqara aýrýhanasyndaǵy áieldiń ólimine qatysty tergeý júrgizip jatyr", - Qostanai oblysynyń Densaýlyq saqtaý basqarmasynyń baspasóz hatshysy Kseniia Jylqybaeva.
Buǵan deiin qostanailyq Tobolinfo.kz aqparat agenttigi Roza Músilimova Jitiqardaǵy aýrýhanada qaitys bolǵanyn habarlaǵan bolatyn. 31 jastaǵy áiel júkti bolǵan. Dene qyzýy kóterilip, aýyrǵan soń birneshe ret aýrýhanaǵa barǵan, biraq oǵan em taǵaiyndalyp, úiine jiberilgen. Túnde áiel Jitiqara aýrýhanasynda qaitys boldy. Úsh bala anasyz qaldy. Uldar toǵyz, alty jáne alty ailyq.
