Foto: Ashyq derekkóz
Jihaz jasaimyn dep elorda turǵyndaryn aldaǵan kúdikti ustaldy, – dep habarlaidy «Ult aqparat» Polisia.kz-ke silteme jasap.
Saryarqa aýdandyq politsiia bólimine qala turǵyny kómek surap aryzdandy. Onyń aitýynsha, belgisiz bireý OLX paraqshasynda úi jihazyn jasap beretinin aityp, jarnama qaldyrǵan.
Sodan kúdikti jábirlenýshiniń as úi bólmesine jihaz jasaý úshin ólshem alyp, 1 mln teńgeden astam aqshasyn iemdengen. Keiin bailanysqa shyqpai qoiǵan.
Kelip túsken shaǵymǵa bailanysty júrgizilgen is-sharalardyń nátijesinde Aqmola oblysynyń 28 jastaǵy turǵyny anyqtaldy. Ári qarai tekserýler barysynda jigittiń atalǵan faktiden bólek, taǵy bir qala turǵynyn aldaǵany belgili boldy. Jalpy, jábirlenýshilerge keltirilgen shyǵyn 2 mln teńgeni qurady. Senim bildirgen azamat jigittiń paraqshasyndaǵy jihazdardyń sýreti arqyly tapsyrys berip, aqshany aldyn ala aýdarǵan.
Búginde QR Qylmystyq kodeksiniń 190-baby 1-bóligi (Alaiaqtyq) boiynsha tergeý amaldary júrgizilip jatyr. Kúdikti jigittiń basqa da qylmystarǵa qatysy bar-joǵy tekserilip jatyr.
