فوتو: اشىق دەرەككٶز
جيھاز جاسايمىن دەپ ەلوردا تۇرعىندارىن الداعان كٷدٸكتٸ ۇستالدى, – دەپ حابارلايدى «ۇلت اقپارات» Polisia.kz-كە سٸلتەمە جاساپ.
سارىارقا اۋداندىق پوليتسييا بٶلٸمٸنە قالا تۇرعىنى كٶمەك سۇراپ ارىزداندى. ونىڭ ايتۋىنشا, بەلگٸسٸز بٸرەۋ OLX پاراقشاسىندا ٷي جيھازىن جاساپ بەرەتٸنٸن ايتىپ, جارناما قالدىرعان.
سودان كٷدٸكتٸ جەبٸرلەنۋشٸنٸڭ اس ٷي بٶلمەسٸنە جيھاز جاساۋ ٷشٸن ٶلشەم الىپ, 1 ملن تەڭگەدەن استام اقشاسىن يەمدەنگەن. كەيٸن بايلانىسقا شىقپاي قويعان.
كەلٸپ تٷسكەن شاعىمعا بايلانىستى جٷرگٸزٸلگەن ٸس-شارالاردىڭ نەتيجەسٸندە اقمولا وبلىسىنىڭ 28 جاستاعى تۇرعىنى انىقتالدى. ەرٸ قاراي تەكسەرۋلەر بارىسىندا جٸگٸتتٸڭ اتالعان فاكتٸدەن بٶلەك, تاعى بٸر قالا تۇرعىنىن الداعانى بەلگٸلٸ بولدى. جالپى, جەبٸرلەنۋشٸلەرگە كەلتٸرٸلگەن شىعىن 2 ملن تەڭگەنٸ قۇرادى. سەنٸم بٸلدٸرگەن ازامات جٸگٸتتٸڭ پاراقشاسىنداعى جيھازداردىڭ سۋرەتٸ ارقىلى تاپسىرىس بەرٸپ, اقشانى الدىن الا اۋدارعان.
بٷگٸندە قر قىلمىستىق كودەكسٸنٸڭ 190-بابى 1-بٶلٸگٸ (الاياقتىق) بويىنشا تەرگەۋ امالدارى جٷرگٸزٸلٸپ جاتىر. كٷدٸكتٸ جٸگٸتتٸڭ باسقا دا قىلمىستارعا قاتىسى بار-جوعى تەكسەرٸلٸپ جاتىر.
