Almatyda Áýezov aýdandyq politsiia bólimine jaqyn jerde adam ólimimen aiaqtalǵan jol apaty tirkeldi. Kólik júrgizýshisi joldan ótip bara jatqan jas jupty qaǵyp ketti.
Sputnik Qazaqstan agenttiginiń málimetinshe, qaiǵyly oqiǵa Áýezov aýdandyq politsiia basqarmasy ǵimaratynyń aldynda bolǵan, dep habarlaidy KAZ.NUR.KZ portaly.
Kýágerlerdiń aitýynsha, jol apatyna deiin Lexus júrgizýshisi Ótegen batyr kóshesiniń boiymen ońtústikke qarai jyldamdyqty qosqan. Bul ýaqytta jas jigit pen súiiktisi jaiaý júrginshiler jolaǵymen joldyń kelesi betine ótip bara jatypty.
Osydan keiin kólik eki jasty soqqan.
Jol apaty saldarynan 2000 jyly týǵan jas jigit jedel járdem kelgenshe oqiǵa ornynda kóz jumdy.
Al qyz bala aýyr jaraqatymen jaqyn mańdaǵy aýrýhanaǵa jetkizildi.
Oqiǵa ornynda jol politsiiasy, kriminalister men quzyrly organnyń mamandary jumys istep jatyr. Oqiǵanyń mán-jaiy anyqtalýda.
