الماتىدا ەۋەزوۆ اۋداندىق پوليتسييا بٶلٸمٸنە جاقىن جەردە ادام ٶلٸمٸمەن اياقتالعان جول اپاتى تٸركەلدٸ. كٶلٸك جٷرگٸزۋشٸسٸ جولدان ٶتٸپ بارا جاتقان جاس جۇپتى قاعىپ كەتتٸ.
Sputnik قازاقستان اگەنتتٸگٸنٸڭ مەلٸمەتٸنشە, قايعىلى وقيعا ەۋەزوۆ اۋداندىق پوليتسييا باسقارماسى عيماراتىنىڭ الدىندا بولعان, دەپ حابارلايدى KAZ.NUR.KZ پورتالى.
كۋەگەرلەردٸڭ ايتۋىنشا, جول اپاتىنا دەيٸن Lexus جٷرگٸزۋشٸسٸ ٶتەگەن باتىر كٶشەسٸنٸڭ بويىمەن وڭتٷستٸككە قاراي جىلدامدىقتى قوسقان. بۇل ۋاقىتتا جاس جٸگٸت پەن سٷيٸكتٸسٸ جاياۋ جٷرگٸنشٸلەر جولاعىمەن جولدىڭ كەلەسٸ بەتٸنە ٶتٸپ بارا جاتىپتى.
وسىدان كەيٸن كٶلٸك ەكٸ جاستى سوققان.
جول اپاتى سالدارىنان 2000 جىلى تۋعان جاس جٸگٸت جەدەل جەردەم كەلگەنشە وقيعا ورنىندا كٶز جۇمدى.
ال قىز بالا اۋىر جاراقاتىمەن جاقىن ماڭداعى اۋرۋحاناعا جەتكٸزٸلدٸ.
وقيعا ورنىندا جول پوليتسيياسى, كريميناليستەر مەن قۇزىرلى ورگاننىڭ ماماندارى جۇمىس ٸستەپ جاتىر. وقيعانىڭ مەن-جايى انىقتالۋدا.
