Foto: egemen.kz
Jasandy intellekttiń keńinen engizilýi Qazaqstannyń eńbek naryǵyna aitarlyqtai ózgeris ákelýi múmkin. Eńbek jáne halyqty áleýmettik qorǵaý ministrliginiń málimetinshe, aldaǵy jyldary keibir mamandyqtar boiynsha jumys oryndarynyń qysqarýy yqtimal, dep habarlaidy Ult.kz.
Vitse-ministr Erbol Tuiaqbaev Senatta ótken brifingte bul protsess endi ǵana bastalyp jatqanyn atap ótti.
Onyń aitýynsha, eńbek naryǵyna boljam jasaityn Eńbek resýrstaryn damytý ortalyǵynyń derekterine sáikes, aldaǵy 10 jylda jasandy intellekttiń áserinen shamamen 300–400 myńǵa deiin jumys orny qysqarýy múmkin.]
Bul ózgeris negizinen kómekshi personal, býhgalterler, zańgerler jáne adamnyń tikelei qatysýyn az qajet etetin mamandyqtarǵa qatysty bolýy yqtimal.
«Osyndai baǵyttar boiynsha shamamen 300–400 myń jumys orny esepteldi. Sondyqtan qazir qaita daiarlaý jumystary júrgizilip jatyr. Jyl basynan beri 186 myń adam jańa mamandyqtarǵa oqytyldy. Bul jumys barlyq óńirde qatar atqarylýda», – dedi vitse-ministr.
Ministrlik eńbek naryǵyndaǵy ózgeristerge beiimdelý úshin qaita oqytý baǵdarlamalarynyń keńeitilip jatqanyn málimdedi.
