Jezqazǵanda Joshy han tarihi-mádeni keshenniń qurylysy qarqyndy júrip jatyr. Bul qazaq halqynyń ótkenine qyzyǵýshylyq tanytatyn týrister úshin jańa biregei oryn bolmaq, dep habarlaidy "Ult aqparat".
Jezqazǵan óńirine jumys sapary barysynda Qaraǵandy oblysynyń ákimi Jeńis Qasymbek qurylys jumystarynyń barysymen tanysty.
Keshenniń ishinde Jezqazǵannyń kieli jerlerine arnalǵan ekspozitsiialar men demonstratsiialarǵa arnalǵan zaldar ornalasqan. Dizainerler tarihi jazbalardy qalpyna keltirip, balaýyz figýralaryn salady.
Kirpishtiń arnaiy tóselýiniń arqasynda aýa raiyna qaramastan ǵimarat árdaiym jyly bolady. Týrister úshin qonaq úi kesheni men ashana salynady.
Qurylys kompaniiasynyń direktory Abai Baidildaevtyń aitýynsha, nysanda qurylysshylar eki aýysymmen jumys isteidi. Qazir qurylysshylar ishki árleý jumystaryna kiristi. Aýmaqty abattandyrý jáne kógaldandyrý sharalry júrgiziledi. Jumystardy jyl sońyna deiin aiaqtaý josparlanyp otyr.
Keshenniń aýlasynda Joshy hannyń bes metrlik granit eskertkishi turǵyzyldy. Tarihi keshenniń ainalasynda etno-aýyl paida bolady. Ulttyq buiymdar men áshekeiler kórmesin ótkizý úshin kiiz úiler men shatyrlar ornatylady.
Joshy hannyń tarihi-mádeni kesheni Altyn Orda dáýirin zertteýge arnalǵan ǵylymi ortalyqqa ainalady. Munda otandyq jáne sheteldik ǵalymdardyń qatysýymen ǵylymi konferentsiialar men simpoziýmdar ótkiziledi. Sondai-aq, keshen bazasynda oqýshylar úshin kóshpeli tarih sabaqtary uiymdastyrylady dep josparlanyp otyr.
