جەزقازعاندا جوشى حان تاريحي-مەدەني كەشەننٸڭ قۇرىلىسى قارقىندى جٷرٸپ جاتىر. بۇل قازاق حالقىنىڭ ٶتكەنٸنە قىزىعۋشىلىق تانىتاتىن تۋريستەر ٷشٸن جاڭا بٸرەگەي ورىن بولماق, دەپ حابارلايدى "ۇلت اقپارات".
جەزقازعان ٶڭٸرٸنە جۇمىس ساپارى بارىسىندا قاراعاندى وبلىسىنىڭ ەكٸمٸ جەڭٸس قاسىمبەك قۇرىلىس جۇمىستارىنىڭ بارىسىمەن تانىستى.
كەشەننٸڭ ٸشٸندە جەزقازعاننىڭ كيەلٸ جەرلەرٸنە ارنالعان ەكسپوزيتسييالار مەن دەمونستراتسييالارعا ارنالعان زالدار ورنالاسقان. ديزاينەرلەر تاريحي جازبالاردى قالپىنا كەلتٸرٸپ, بالاۋىز فيگۋرالارىن سالادى.
كٸرپٸشتٸڭ ارنايى تٶسەلۋٸنٸڭ ارقاسىندا اۋا رايىنا قاراماستان عيمارات ەردايىم جىلى بولادى. تۋريستەر ٷشٸن قوناق ٷي كەشەنٸ مەن اسحانا سالىنادى.
قۇرىلىس كومپانيياسىنىڭ ديرەكتورى اباي بايدٸلداەۆتىڭ ايتۋىنشا, نىساندا قۇرىلىسشىلار ەكٸ اۋىسىممەن جۇمىس ٸستەيدٸ. قازٸر قۇرىلىسشىلار ٸشكٸ ەرلەۋ جۇمىستارىنا كٸرٸستٸ. اۋماقتى اباتتاندىرۋ جەنە كٶگالداندىرۋ شارالرى جٷرگٸزٸلەدٸ. جۇمىستاردى جىل سوڭىنا دەيٸن اياقتاۋ جوسپارلانىپ وتىر.
كەشەننٸڭ اۋلاسىندا جوشى حاننىڭ بەس مەترلٸك گرانيت ەسكەرتكٸشٸ تۇرعىزىلدى. تاريحي كەشەننٸڭ اينالاسىندا ەتنو-اۋىل پايدا بولادى. ۇلتتىق بۇيىمدار مەن ەشەكەيلەر كٶرمەسٸن ٶتكٸزۋ ٷشٸن كيٸز ٷيلەر مەن شاتىرلار ورناتىلادى.
جوشى حاننىڭ تاريحي-مەدەني كەشەنٸ التىن وردا دەۋٸرٸن زەرتتەۋگە ارنالعان عىلىمي ورتالىققا اينالادى. مۇندا وتاندىق جەنە شەتەلدٸك عالىمداردىڭ قاتىسۋىمەن عىلىمي كونفەرەنتسييالار مەن سيمپوزيۋمدار ٶتكٸزٸلەدٸ. سونداي-اق, كەشەن بازاسىندا وقۋشىلار ٷشٸن كٶشپەلٸ تاريح ساباقتارى ۇيىمداستىرىلادى دەپ جوسپارلانىپ وتىر.
