Jezqazǵanda eki top arasynda jappai tóbeles boldy. Tóbeles shyǵarǵandar ustaldy, - dep habarlaidy Tengrinews.kz.
Oqiǵa túnde Esenberlin kóshesindegi úilerdiń biriniń aýlasynda bolǵan. Oqiǵanyń videosy Instagram jelisinde jariialandy.
Videoǵa shaqyrtý boiynsha oqiǵa ornyna kelgen politsiia qyzmetkerleri túsirilgen. Jazba sipattamasynda bir top er adam tóbelesip qana qoimai, kólikterdi qiratqany aitylǵan.
"Shamamen saǵat 00.20-da tóbeles boldy. Aldyn ala málimetter boiynsha, oq atylǵan. Sonymen qatar olar kólikti qiratqan. Birneshe politsiia jasaǵy eki-úsh minýt ishinde oqiǵa ornyna keldi, biraq tóbeles shyǵarǵandar osy ýaqyt ishinde qashyp ketken. Jedel-tergeý jáne izdestirý sharalary júrgizilip jatyr", - delingen jazba sipattamasynda.
Politsiia departamentiniń baspasóz qyzmeti de videoǵa qatysty pikir bildirdi.
"Oqiǵaǵa qatysqandardy politsiia qyzmetkerleri anyqtap, Jezqazǵan qalasynyń politsiia basqarmasyna jetkizdi. Atalǵan fakt boiynsha QR QK-nyń 293-baby "Buzaqylyq" boiynsha qylmystyq is tirkeldi. Qazirgi ýaqytta oqiǵanyń mán-jaiyn anyqtaý boiynsha tergeý sharalary júrgizilip jatyr", - delingen vedomstvo habarlamasynda.
