Foto: Halyqstan
Jezqazǵan qalasynda bir úidiń kámeletke tolmaǵan úsh balasy oiyn alańyndaǵy syrǵanaqty órtegen. Oqiǵa 6 shildeden 7 shildege qaraǵan túni, shamamen saǵat 03:00-de bolǵan, dep habarlaidy Ult.kz.
Jergilikti politsiia basqarmasynyń málimetinshe, balalardyń anasyna qatysty QR Ákimshilik quqyq buzýshylyq týraly kodekstiń:
-
127-baby boiynsha (ata-ananyń bala tárbiesine jaýapsyz qaraýy),
-
442-baby boiynsha (balanyń túngi ýaqytta úlkenderdiń qaraýynsyz júrýi)
hattamalar toltyrylyp, aiyppul salyndy.
«Kámelet jasqa tolmaǵandardyń qaýipsizdigi men tártibin baqylaýdy umytpańyzdar. Balalaryńyzǵa qoǵamdyq tártipti saqtaý men bóten múlikke ziian keltirýge bolmaitynyn únemi túsindirip otyryńyzdar», – dep eskertti iývenaldy politsiia inspektory.
Oqiǵa boiynsha qosymsha tekserý júrgizilýde.
