video kadry
Ulytaý oblysy Jezqazǵan qalasyndaǵy oblystyq kópbeiindi aýrýhana perzenthanasynyń tóbesinen sý aǵyp jatyr, dep habarlaidy Sputnik Qazaqstan saity oblystyq densaýlyq saqtaý basqarmasyna silteme jasap.
Bul ǵimaratqa byltyr ǵana kúrdeli jóndeý jasalǵan. Dárigerlerdiń aitýynsha, tóbeden aqqan sýǵa tikelei merdigerler kináli.
"Perzenthana tóbesinen senbi kúni sý aǵyp ketti. Bul ǵimaratqa 2022 jyly jóndeý jumystary, sonyń ishinde shatyrǵa jóndeý júrgizilgen. Keleńsiz jáit merdigerdiń kinásinen oryn aldy. Jóndeý jalpy sapasyz bolǵandyqtan aktilerge qol qoiylmai, jumystar qabyldanbaǵan", - deidi vedomstvo.
Basqarma mamandary merdigerdiń ústinen sotqa shaǵym túsirgen jerin aitady.
"Sotqa shaǵym túsirildi, qazirgi ýaqytta sot protsesteri júrip jatyr. Merdiger tarapynan jiberilgen buzýshylyqtar kólemi sot sheshimimen anyqtalatyn bolady. Sý aqqan bólikte patsientter bolǵan joq. Sý basqan jerdiń aýdany - 25,9 sharshy metr, iaǵni bir palata", - deidi densaýlyq saqtaý basqarmasy.
