ۆيدەو كادرى
ۇلىتاۋ وبلىسى جەزقازعان قالاسىنداعى وبلىستىق كٶپبەيٸندٸ اۋرۋحانا پەرزەنتحاناسىنىڭ تٶبەسٸنەن سۋ اعىپ جاتىر, دەپ حابارلايدى Sputnik قازاقستان سايتى وبلىستىق دەنساۋلىق ساقتاۋ باسقارماسىنا سٸلتەمە جاساپ.
بۇل عيماراتقا بىلتىر عانا كٷردەلٸ جٶندەۋ جاسالعان. دەرٸگەرلەردٸڭ ايتۋىنشا, تٶبەدەن اققان سۋعا تٸكەلەي مەردٸگەرلەر كٸنەلٸ.
"پەرزەنتحانا تٶبەسٸنەن سەنبٸ كٷنٸ سۋ اعىپ كەتتٸ. بۇل عيماراتقا 2022 جىلى جٶندەۋ جۇمىستارى, سونىڭ ٸشٸندە شاتىرعا جٶندەۋ جٷرگٸزٸلگەن. كەلەڭسٸز جەيت مەردٸگەردٸڭ كٸنەسٸنەن ورىن الدى. جٶندەۋ جالپى ساپاسىز بولعاندىقتان اكتٸلەرگە قول قويىلماي, جۇمىستار قابىلدانباعان", - دەيدٸ ۆەدومستۆو.
باسقارما ماماندارى مەردٸگەردٸڭ ٷستٸنەن سوتقا شاعىم تٷسٸرگەن جەرٸن ايتادى.
"سوتقا شاعىم تٷسٸرٸلدٸ, قازٸرگٸ ۋاقىتتا سوت پروتسەستەرٸ جٷرٸپ جاتىر. مەردٸگەر تاراپىنان جٸبەرٸلگەن بۇزۋشىلىقتار كٶلەمٸ سوت شەشٸمٸمەن انىقتالاتىن بولادى. سۋ اققان بٶلٸكتە پاتسيەنتتەر بولعان جوق. سۋ باسقان جەردٸڭ اۋدانى - 25,9 شارشى مەتر, ياعني بٸر پالاتا", - دەيدٸ دەنساۋلىق ساقتاۋ باسقارماسى.
