Jezqazǵanda ájesi men nemeresin jeńil kólik qaǵyp ketti. Qazir olar qalalyq aýrýhanada jatyr, dep habarlaidy QazAqparat.
Oqiǵa ornynan túsirilgen video áleýmettik jelilerde jariialandy.
«13 qyrkúiek kúni tańǵy saǵat 7.40 shamasynda Jezqazǵan qalasynda «Mersedes» avtokóliginiń 41 jastaǵy júrgizýshisi aldyn ala málimetter boiynsha Jalil kóshesimen jaiaý júrginshiler ótkeline jetpei, joldy belgilenbegen jerden kesip ótken jaiaý júrginshilerdi qaǵyp ketti. Bul derek tirkeldi. Onyń nátijeleri boiynsha tiisti saraptamalar taǵaiyndaldy, protsessýaldyq sheshim qabyldanatyn bolady», - dep habarlady Qaraǵandy oblysy PD baspasóz qyzmeti.
Jol-kólik oqiǵasy saldarynan zardap shekken 47 jastaǵy áiel men onyń 5 jasar nemeresi meditsinalyq mekemege jetkizildi.
«Áiel Jezqazǵan qalasynyń kópsalaly aýrýhanasy travmatologiia bólimshesinde emdelýde. Naýqastyń jaǵdaiy ortasha, turaqty. Alǵashqy kómek kórsetildi, em alýda. Al onyń nemeresi neirohirýrgiialyq bólimshesine jatyr», - dedi Qaraǵandy oblysy Densaýlyq saqtaý basqarmasynyń baspasóz qyzmetinen.
