Foto: QMA baspasóz qyzmeti
Jezqazǵan qalasynyń eki turǵynyna qatysty "MetaGo" qarjy (investitsiialyq) piramidasyn jarnamalaý kúdigi boiynsha sotqa deiingi tergep-tekserý bastaldy, dep habarlaidy "Ult aqparat" Qarjylyq monitoring agenttigine silteme jasap.
Atalǵan derekti QMA Ulytaý oblysy boiynsha Departamenti óńirlik prokýratýranyń úilestirýimen jáne agenttiktiń kóleńkeli ekonomika salasyndaǵy taldamalyq bólimshelerimen ózara is-qimyl nátijesinde anyqtaǵan.
Kúdikti tulǵalar "MetaGo" qarjy piramidasynyń qyzmeti týraly aqparattyq resýrstarda ("YouTube" beinehosting saity, "Whatsapp" jáne "Telegram" messendjerleri, "Facebook" jáne "Instagram" áleýmettik jelileri), sondai-aq osy qarjy piramidasynyń simvolikasy bar kiim men plakattardy paidalana otyryp halyqpen kezdesýler men jinalystar ótkizgen.
Osy arqyly 63 mln teńgeden astam somada zalal keltirip, qarjy piramidasynyń zańsyz qyzmetine 80-nen astam azamatty tikelei tartqan.
"Qazirgi ýaqytta QR QK-niń 217-1-baby ("Adamdar tobynyń qarjy piramidasyn jarnamalaýy") boiynsha tergeý júrgizilip jatyr.
Sonymen qatar, Departament buryn júrgizilgen arnaiy jedel-izdestirý is-sharalary nátijesinde tirkelgen Jezqazǵan qalasynyń osy turǵyndaryna qatysty "MetaGo" qarjy piramidasynyń qurylymdyq bólimshesin qurý jáne basshylyqqa alý faktisi boiynsha sotqa deiingi tergeý júrgizýde.
QR QPK-niń 201 baby tártibinde ózge aqparat jariia etýge jatpaidy" - delingen vedomstvo habarlamasynda.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
