araǵandy oblysynyń ákimi Jeńis Qasymbek Jezqazǵan men Sátbaev qalalarynda memlekettik baǵdarlama aiasynda berilgen páterlerdi keri qaitaryp alýda degen áńgimege qatysty málimet berdi, dep habarlaidy "Ult aqparat".
«Sońǵy 2 apta ishinde Jezqazǵan men Sátbaev qalasynda baspanalardan turǵyndardy shyǵarýda degen ártúrli áńgimeler aitylyp jatyr. Bul árekettiń jańa ákimge qatysy joq. Jezqazǵandaǵy atalǵan turǵyn úi 2018 jyly memlekettik baǵdarlama aiasynda salynǵan. Ondaǵy páterler ártúrli sanatqa jatatyn turǵyn úi kezeginde turǵan azamattarǵa berilgen. Qazirgi ýaqytta ol jerde qatelik ketkeni anyqtaldy. Ony bári moiyndap otyr. Iaǵni ol turǵyn úi biýdjet qyzmetkerlerine arnalmaǵan, olarǵa ol baspana berilmeýi tiis», - dedi J. Qasymbek OKQ-de onlain túrde ótken baspasóz máslihatynda.
Óńir basshysynyń sózine sensek, qatelikke qaramastan eshkim berilgen baspanadan shyǵarylmaidy.
«Aldymyz qys, biz qazir eshkimdi baspanadan shyǵarmaimyz. Qazirgi tańda túrli memlekettik baǵdarlamalar aiasynda atalǵan qalalarda turǵyn úiler salynyp jatyr. Sol baspanalar aldaǵy jeltoqsan aiynda jáne kelesi jyldyń kóktemi men jazynda turǵyndarǵa beriletin bolady. Iaǵni bul turǵyndar jańa úige kóshiriledi. Eshkim de dalada qalmaidy», - dedi ol.
Sondai-aq, J. Qasymbek baspanany úlestirýde qatelik jibergen mamandardyń jaýapqa tartylatynyn aitty.
«Turǵyn úilerdi durys úlestirmeý jaǵdaiy 2 qalada oryn aldy. Biri Sátbaev qalasynda, onda barlyǵy 13 otbasy. Ekinshi Jezqazǵan qalasynda 9 otbasy. Osy oraida atalǵan iske qatysty jáne jaýapty sheneýnikterge sógis jariialanady», - dedi oblys ákimi.
Aita ketsek, búgin elordadaǵy Ortalyq kommýnikatsiialar qyzmetinde Qaraǵandy oblysynyń ákimi Jeńis Qasymbektiń qatysýymen onlain túrde ótken baspasóz máslihatynda tilshi Jezqazǵan jáne Sátbaev qalalarynda turǵyndardan memlekettik baǵdarlama aiasynda berilgen baspanalardy keri qaitaryp alýda. Endi turǵyndar ne isteidi degen suraq qoiǵan bolatyn.
