Almaty oblysynyń delegatsiiasyn bastaǵan oblys ákimi Amandyq Batalov resmi saparmen Tashkent qalasyna bardy. Islam Karimov atyndaǵy halyqaralyq áýejaida qonaqtardy Qazaqstan Respýblikasynyń Ózbekstandaǵy Tótenshe jáne Ókiletti elshisi Erik Ótembaev qarsy aldy. Bul týraly Almaty oblysy ákimdiginiń resmi saity habarlady.
Qonaqtar aldymen Tóle bi kesenesinde boldy. Munan soń Amandyq Batalov «Tashkent traktor zaýyty» AAQ-da bolyp, «Ózagrotehmash» holdingilik kompaniiasy shyǵarǵan agrotehnikamen tanysty. Almaty oblysynyń agrarlyq baǵytyn eskere otyryp, ózbek kásipkerleri traktor tehnikalarynyń aýyl sharýashylyǵynda qoldanýǵa laiyqty túrleriniń barlyǵyn qamtyp kórsetti.
Oblys ákimi Jetisý ólkesinde astyq jinaý jelisin ashý niette ekenin Ózbekstan vitse-premeri Nodir Otajonovpen jáne «Ózagrotehmash» ShK basqarma tóraǵasy Murat Karimovtpen bolǵan ekijaqty kezdesýinde aitty.
«Qazaqstan - EAEO-ǵa qatysýshy elderdiń biri. Sonymen qatar bizdiń óńir -QHR-nyń aýqymdy naryǵyna aparatyn qaqpa. Biz sizderdi barlyq infraqurylymy tartylǵan «Taldyqorǵan» indýstrialdy aimaǵynan jinaqtaý tsehyn ashýǵa shaqyramyz. Bul oraida aita keterligi, TMD-daǵy birden-bir qurǵaq port ta bizdiń oblysta ornalasqan. Bul ónimderińizdi ózge elderge qysqa merzimde jetkizýge múmkindik beredi», - dep atap ótti Amandyq Batalov.
Vitse-premer Nodir Otajonov Ózbekstanda tehnika shyǵarý kólemi artyp kele jatqandyqtan oblys ákiminiń bul usynysy qyzyǵýshylyq týǵyzǵanyn aitty. Máselen, holding ótken jyly 1,5 myń birlik tehnika shyǵarsa, biylǵy jyly bul kórsetkish 6 myńǵa jetpek. N. Otajonovtyń pikirinshe, bul syrtqy naryqqa shyǵýdyń da qajettigin kórsetip otyr. Ol úshin ózbek tarapy jaqyn arada naryq múmkindikterin baǵalap kórý úshin Almaty oblysyna óz ókilderin jiberýge nietti ekendikterin aitty.
«Bizde Qazaqstanmen birigip júzege asyrǵymyz keletin jobalar óte kóp. Búgin Almaty oblysynyń ákimi tarapynan aitylǵan naqty usynys sol jobalardyń is júzinde júzege asyrylýyna yqpalyn tigizýi múmkin», - dedi Ózbekstan vitse-premeri.
Almaty oblysynyń jáne Ózbekstannyń investitsiialyq áleýeti Qazaqstannyń Ózbekstandaǵy elshiliginiń qoldaýymen uiymdastyrylǵan baýyrlas eldiń iskerlik kompaniialarymen bolǵan kezdesýde jalǵasyn tapty.
"2018 jyldy Prezidentterimiz «Ózbekstannyń Qazaqstandaǵy jyly» dep jariialady, bul óz kezeginde baýyrlas eki memlekettiń ózara bailanysyn jańa deńgeige kóteretinine senimdimiz. Almaty oblysy - Qazaqstan Respýblikasyndaǵy tabiǵi bailyǵy mol, investitsiialyq klimaty qolaily aimaqtarynyń biri. Osy kezdesýler arqyly eki jaqtyń kásipkerleri ózara tiimdi seriktestik qatynastaryn damytýdyń jańa baǵyttaryn ashady degen úmittemiz. Osy rette oblystyń Ózbekstanmen syrtqy taýar ainalysy 2017 jyly 36 mln. AQSh dollaryn quraǵanyn atap ótý kerek.
Almaty oblysynan Ózbekstanǵa shyǵarylǵan eksport 15,8 mln. AQSh dollary bolsa, import – 20,2 mln. AQSh dollaryna jetken.
Ózbekstannan bizge mineraldy tyńaitqyshtar, motorly kólik quraldary, jemis-jidekter, basqa da aýyl sharýashylyǵy ónimderi jetkiziledi. Eki el arasyndaǵy baýyrlastyq, kórshilik qarym-qatynastardyń jarqyn mysaldary ekonomika, ǵylym men mádeniet salalarynda da bar. Búgingi kezdesý Almaty oblysy men Ózbekstan Respýblikasynyń kópqyrly bailanystaryn odan ári nyǵaityp, keńeitedi degen senimdemin», - dedi Amandyq Batalov.
Almaty oblysy delegatsiiasynyń bul saparynda «Túrkistan» kontsert zalynda jetisýlyq ónerpazdardyń kontserti dúrkirep ótti. 900 oryndyq zal, kórermenderge lyq toldy. Kontserttik baǵdarlamamen qatar tashkenttik turǵyndarǵa qolónershilerdiń buiymdary men qylqalam sheberleriniń týyndylary, sondai-aq Almaty oblysynyń týristik potentsialyn tanytatyn kórme usynyldy.
Bir jarym saǵatqa sozylǵan kontsertte sóz alǵan Ózbekstannyń Mádeniet ministriniń birinshi orynbasary Ozodbek Nazarbekov ónerde shekara joq ekenin, Jetisý ártisteriniń joǵary kásibi deńgeide óner kórsetip, óńirdiń rýhani bailyǵyn pash ete bilgenin atap ótti.
Almaty oblysynyń delegatsiiasy Ózbekstandaǵy sapary jeksenbige deiin jalǵasady. Oblys ókilderi Ózbekstannyń birqatar qalalarynda bolyp, Almaty oblysynyń investitsiialyq múmkindikterin tanystyrady dep kútilýde.
