Foto: istockphoto.com
Jetisý oblysynda politsiia qyzmetkerine kúsh qoldanǵan er adamǵa sot úkimi shyqty. Ol 2 jylǵa bas bostandyǵyn shekteý jazasyna kesildi, dep habarlaidy Ult.kz.
Oblystyq prokýratýranyń málimetinshe, oqiǵa Úshtóbe qalasynda bolǵan. “102” arnasyna túsken shaqyrtý boiynsha barǵan politsiia qyzmetkerlerine jergilikti turǵyn agressiia tanytqan.
Quzyrly organnyń habarlaýynsha, er adam politsiianyń zańdy talabyna baǵynbai, qyzmetkerdiń betinen alaqanmen urǵan. Sonymen qatar onyń qyzmettik beinejetonyn julyp alyp, pogonyn búldirgen.
Abyroi bolǵanda, tártip saqshysy aýyr jaraqat almaǵan.
Sot sheshimimen kúdikti 2 jylǵa bas bostandyǵyn shekteý jazasyna kesilip, májbúrli eńbekke tartyldy. Sondai-aq memleketke keltirilgen materialdyq shyǵyn tolyq óndirildi.
