Foto: polisia.kz
Jetisý oblysynda tún ortasynda jolda otyrǵan adamdy kólik qaǵyp ketken, - dep habarlaidy "Ult aqparat" Polisia.kz Telegram-arnasyna silteme jasap.
Jantúrshigerlik oqiǵa beinetirkegishke jazylǵan.
"Oqiǵa 14 qazanǵa qaraǵan túni Alakól aýdanynda boldy. Almaty - Óskemen tas jolynyń 524-shaqyrymynda Mercedes Benz 519 CDI kóliginiń 41 jastaǵy júrgizýshisi jolda otyrǵan 51 jastaǵy er adamdy qaǵyp ketti.
Politseiler marqumnyń túngi ýaqytta jol boiynda ne úshin bolǵanyn anyqtap jatyr. Atalǵan fakti boiynsha qajetti saraptamalar taǵaiyndalyp, sotqa deiingi tergeý bastaldy" - delingen habarlamada.
Politseiler azamattardy jolda qyraǵy bolýǵa, jol qozǵalysy erejelerin qatań saqtaýǵa shaqyrady.
