sýret ashyq derekkózden alyndy
Jetisýda aýyl turǵyndaryna múgedektigi boiynsha járdemaqy rásimdep berýge ýáde etken alaiaq áiel ustaldy, - dep habarlaidy "Ult aqparat" Polisia.kz saityna silteme jasap.
Panfilov aýdanynyń politseileri Jarkent qalasynyń 50 jastaǵy turǵynyn kúdikti dep tanyǵan birqatar alaiaqtyqty tergeýdi bastady.
Aýdandyq politsiiaǵa 10 adam aryzdanǵan. Olardyń kóbi - aýyldyq jerdiń turǵyndary. Jábirlenýshiler múgedektigi boiynsha memlekettik járdemaqyny resimdeýge járdemdesýge ýáde bergen beitanys áielge qatysty sharalar qabyldaýdy talap etip otyr. Olardyń árqaisysy resimdeý protsesin tezdetý úshin kúdiktige 100-300 myń teńgege deiin bergendigi belgili boldy.
"Jergilikti turǵyn anyqtalyp, aýdan bólimine jaýap alý úshin jetkizildi. Áieldiń dáriger emes ekendigi jáne onyń osyndai járdemaqylardy taǵaiyndaýǵa jaýapty MÁS-pen (meditsinalyq-áleýmettik saraptama) eshqandai bailanysy joq ekendigi anyqtaldy. Búgingi tańda jábirlenýshilerge keltirgen zalal shamamen 1,5 mln teńgeni qurady", - deidi Panfilov aýdandyq politsiia bastyǵynyń orynbasary Ernar Qaltaev.
Tergeý QR QK-niń 190-baby 3-bóligi 4-tarmaǵy (Birneshe ret jasalǵan alaiaqtyq) boiynsha júrgizilip jatyr.
