Foto: ashyq derekkózden
Jetisý oblysynda depýtat pyshaq jaraqatynan kóz jumdy, - dep habarlaidy "Ult aqparat".
Ol Alakól aýdandyq máslihatynyń depýtaty bolǵan.
Oblystyq Politsiia departamentiniń málimetinshe, 15 qańtar saǵat 15:25-te Alakól aýdandyq politsiiasyna Úsharal qalasynda salynyp jatqan obektilediń birinde mas kúidegi er adam jumysshylarǵa tiisip jatqany týraly habarlama kelip túsken.
"Politsiia kelgennen keiin jumysshylardy jaqtaǵan 34 jastaǵy er adamǵa pyshaq jaraqatyn salǵan kúdikti 24 jastaǵy jergilikti turǵyn ekendigin anyqtady, ol oqiǵa ornynan qashyp ketken.
Oqiǵa ornyna kelgen tártip saqshylary kúdiktini qońyraý túskennen keiin bes minýt ishinde ustady. Al jábirlenýshi alǵan jaraqatynan jedel járdem kóliginde qaitys boldy.
Ustalǵan er adam Alakól APB ýaqytsha ustaý izoliatoryna qamaýǵa alyndy. Atalǵan derek boiynsha qajetti saraptamalar taǵaiyndalyp, qylmystyq is qozǵaldy" - delingen habarlamada.
Tergeý múddesi úshin ózge aqparat jariialaýǵa jatpaidy.
