Foto: Polisia.kz
Jetisý oblysy PD uiymdasqan qylmysqa qarsy kúres basqarmasynyń qyzmetkerleri oblys prokýratýrasynyń úilestirýimen jáne QR UQK shekara qyzmeti departamentimen birlesip, Tekeli qalasynyń aýmaǵynda kiik múiizderin zańsyz satýmen ainalysty degen kúdikpen Temirtaý qalasynyń turǵynyn ustady, dep habarlaidy Ult.kz.
"Subaru avtokóligin tintý barysynda skotchpen oralǵan úsh karton qorap anyqtaldy. Qoraptardyń ishinen 300-den astam kiik múiizi tabylyp, tárkilendi. Aiǵaq zattar sot saraptamasyna jiberildi. Aldyn ala esepteýler boiynsha memleketke keltirilgen shyǵyn kólemi 539 million 667 myń teńgeni qurady", - delingen habarlamada.
Kúdiktige qatysty tergeý amaldary júrgizilýde, oǵan úiqamaq túrindegi bultartpaý sharasy qoldanyldy. Qazaqstan zańnamasyna sáikes, brakonerlik úshin jeti jylǵa deiin bas bostandyǵyn shekteý nemese sol merzimge bas bostandyǵynan aiyrý jazasy kózdelgen. Sonymen qatar múlikti tárkileý jáne belgili bir laýazymdardy atqarýǵa nemese belgili bir qyzmetpen ainalysýǵa bes jylǵa deiin tyiym salý túrindegi qosymsha jaza da qarastyrylǵan.
Quqyq qorǵaý organdary oqiǵanyń barlyq mán-jaiyn anyqtap, tergeýdi jalǵastyrýda.
