Foto: pixabay.com
Jetisý oblysynyń Panfilov aýdanynda joǵalǵan 3 jastaǵy balanyń denesi tabyldy, dep habarlaidy QazAqparat.
«20 mamyr kúni Panfilov aýdanynyń politsiiasyna Almaly aýylynyń turǵyny shaǵymdandy. Ol 3 jastaǵy balasynyń joǵalyp ketkenin jetkizdi. Anyqtalǵandai, bala dalada oinap júrip, joǵalǵan. Balany izdestirýge 100-den asa adam jumyldyryldy. Onyń ishinde aýyl turǵyndarymen qatar politsiia jáne áskeri qyzmetkerler de bar. Balanyń múrdesi aryqtan tabyldy», - delingen oblystyq politsiia departamenti baspasóz qyzmetiniń habarlamasynda.
Vedomstvonyń aqparatyna sáikes, balanyń denesi úiinen 3 shaqyrym jerden tabylǵan. Boljam boiynsha, bala kanalǵa qulap, ony sýdyń qatty aǵyny alyp ketken.
