kollaj: Tengrinews.kz
Jetisý oblysynyń Politsiia departamenti politseilerdiń qara tústi Toyota Land Cruiser kóligine azyq-túlik tasyp, salyp jatqan videosyna qatysty pikir bildirdi, - dep habarlaidy Tengrinews.kz portaly.
Kadr syrtyndaǵy daýys Úshtóbede "politsiia basshylyǵy tergeýshilerdi jumys isteýdiń ornyna azyq-túlik tasymaldaýǵa májbúrleidi" deidi. Video 2022 jyldyń 29 tamyzynda túsirilgen.
"Tergeýshiler satyp aldy, orynbasar májbúrleitin siiaqty, shtat. Bir tergeýshi, ekinshi tergeýshi. Tergeý boiynsha orynbasar, qazir ol keledi, kútemiz. Men kúni boiy tergeýshi orynbasarynyń kólikke kelýin kútemin. Jaǵdai qalai bolatynyn kórsetý úshin. Ol bastyqtyń orynbasary bolǵandyqtan, tergeýshilerine mundaidy istete alady. Ózi tasymas úshin, qyzmetkerlerin májbúrleý jaqsy ǵoi, bailardyń isi", - deidi kadr syrtyndaǵy daýys.
Jetisý oblysynyń Politsiia departamenti videoǵa qatysty bylai dep pikir bildirdi.
"Oblystyń politsiia qyzmetkerleri az qamtylǵan jáne kópbalaly otbasylarǵa azyq-túlik, keńse taýarlary jáne túrli oqý quraldarymen jan-jaqty kómek kórsetip turady. Kóbine "Mektepke jol", "Býmerang dobra" aktsiiasy t.b. aiasynda azyq-túlik sebetteri tapsyrylady. Úshtóbe qalasynda túsirilgen videoǵa kelsek, azyq-túlik paketteri keiin muqtaj otbasylarǵa taratý úshin satyp alynǵan. Qaratal aýdanynyń politsiia qyzmetkerleri (tamyzdan qyrkúiektiń aiaǵyna deiin) 4 otbasyǵa, onyń ishinde asyraýynda birneshe balasy bar jalǵyzbasty analarǵa osyndai materialdyq kómek kórsetti", - dedi Jetisý oblystyq PD baspasóz qyzmeti ókilderi.
