Foto: ©️ Tengrinews.kz / Turar Qazanǵapov
Jetisý oblysynyń ákimi Beibit Isabaev 27 jastaǵy qyzdy zorlady degen kúdikke ilingen Taldyqorǵan PB bastyǵynyń ustalýyna qatysty pikir bildirdi, - dep habarlaidy Tengrinews.kz saity.
Ákim Astanada OKQ-da ótken brifing barysynda jaǵdaiǵa qatysty pikir bildirdi.
"Bul jerde aitatyn eshteńem joq, aqtalmaimyn. Qoǵam senim artqan, qoǵamdaǵy tártipti qamtamasyz etetin memlekettik quqyq qorǵaý organynyń basshysy osyndai áreketterge barsa. Aýyr, ókinishti, uiat. Mundai adamdarǵa politsiia qatarynda oryn bolmaýy kerek. 10 kún buryn oblysymyzǵa Ishki ister ministrliginiń qyzmetkerleri keldi, qyzmettik tekserý jumystary júrgizildi", - dedi jýrnalister saýalyna jaýap bergen oblys ákimi.
Oblys ákiminiń aitýynsha, Jetisý oblystyq PD bastyǵy men onyń eki orynbasary qyzmetinen bosatylǵan.
"Qalǵan eki orynbasarǵa qatysty qyzmetine tolyq sáikes emes degen sheshim qabyldandy. Qazir oblystyq politsiia basqarmasynyń bastyǵy laýazymyna jańa azamat keldi. Qalalyq politsiia bóliminiń bastyǵy laýazymyna adam izdep jatyrmyz. Ministrmen ofitserlerdiń bas shtabymen, qala jáne oblys shtabymen, politsiia bólimimen jeke kezdesý ótkizdik. Ashyq áńgime boldy", - dedi Beibit Isabaev.
