28 jastaǵy jetisailyq áieldiń ógei qyzdaryn azaptaý tásilderin dápterge jazyp otyrǵany belgili boldy.
Dál qazirgi ýaqytta úsh jasóspirim aýrýhanada jatyr. Qatty psihologiialyq qysymǵa ushyraǵan qyzdar úreilenip qalǵan. Kórgen qorlyqtaryn ashyp aitýǵa da qorqady, dep jazady otyrar.kz
Ógei sheshe arnaiy dápterge qyzdardy qalai azaptaǵanyn jazyp otyrǵan. Ol qyzdardy qysqysh, oqtaý, inemen qinaǵan. Al sháilerine ydys jýatyn gel qosyp beredi eken. Aiaqtaryn ystyq sýǵa malǵan. "Ákeleriń kelgende kúlip turyńdar" degen qatań tapsyrmasy da bolypty.
Mundai azapqa qyzdar "ákemiz taǵy da aýyryp qalmasa eken" degen nietpen tózip júripti. Ákeleri qyzdardyń anasymen ajyrasqanda insýlt alyp, qatty aýyrǵan eken. Ákeleriniń qinalǵanyn kórgen qyzdar taǵy da osy jaǵdaidyń qaitalanbaýy úshin tózip baqqan. Adamǵa tán emes aiýan áreketke barǵan ógei sheshe qyzdardy "túrmege tússem de, qaityp kelgen soń esterińnen ketpeitindei etip, kek alamyn" dep qorqytady eken.
Ógei ananyń ne úshin mundai qorlyq kórsetkeni jumbaq kúiinde qalyp tur. Qamaýǵa alynǵan onyń 1 jas 7 ailyq uly bar. Odan bólek, 7 ailyq sharana kútip otyr eken. Ózi ana bola tura, ógei qyzdaryna kún kórsetpegen onyń bul qylyǵyn týystary da túsine almai álek. Ábden ashynǵan qyzdardyń týystary "ógei sheshe qatań jazasyn alsyn" dep otyr.
Politsiianyń habarlaýynsha, bul fakti boiynsha tergeý amaldary júrgizilip jatyr. Kúdikti áiel qamaýǵa alyndy.
