Túrkistan oblysy, Jetisai aýdanynda qyzdaryna qorlyq kórsetti dep aiyptalǵan ógei sheshe ýaqytsha qamaýǵa alyndy, dep habarlaidy "Ult aqparat" Túrkistan oblysynyń Politsiia departamentiniń baspasóz qyzmetine silteme jasap.
«Quzyrly organdar Jetisai aýdanyndaǵy ógei shesheniń balalardy uryp-soqqanyn anyqtady. Atalǵan oqiǵa Jetisai aýdandyq politsiia bólimine tirkeldi jáne QR Qylmystyq Kodeksiniń 140-babyna sáikes («Kámelet jasqa tolmaǵandardy tárbieleý boiynsha mindetterin atqarmaý») sotqa deiingi tergeý amaldary bastaldy. Kúdikti ýaqytsha ustaý izoliatoryna qamaldy», - delingen habarlamada.
Sonymen birge Túrkistan oblystyń Politsiia departamenti áleýmettik jelide foto-beinematerialdaryn jariialaǵan adamdardyń da QR QK 147-baby boiynsha («Jeke ómirge qolsuǵylmaýshylyqty jáne QR derbes derekter jáne olardy qorǵaý týraly zańnamasyn buzý») jaýapqa tartylatynyn eskertedi.
Buǵan deiin Jetisai aýdanynda ógei sheshe qyzdaryna qorlyq kórsetken beinejazba taraǵanyn habarlaǵan edik.
Osydan keiin Túrkistan oblystyq Politsiia departamenti atalǵan oqiǵaǵa qatysty tergeý sharalary bastalǵanyn málimdedi.
Ishki ister ministri Erlan Turǵymbaev pen «Nur Otan» partiiasy Tóraǵasynyń birinshi orynbasary Máýlen Áshimbaev bul máseleni óz baqylaýyna aldy.
