Túrkistan oblysy Jetisai qalasyndaǵy ógei sheshe qorlaǵan qyzdar oqiǵasyna qatysty tyń málimetter belgili boldy, dep habarlaidy QazAqparat.
Oblystyq politsiia departamentiniń málimetinshe, tergeý basqarmasy isti óz óndirisine aldy.
«Qazirgi kezde, kúdikti áiel QR QK-niń eki babymen jaýapqa tartylyp jatyr. Atap aitqanda, QR QK 110-baby «Azaptaý» jáne 140-baby «Kámeletke tolmaǵandardy tárbieleý boiynsha mindetin oryndamaý» baptary boiynsha is qozǵalǵan. Qyzdardyń ákesi - destrýktivti dini aǵymnyń ustanýshysy. Bul qylmystyq is QR IIM-niń jáne oblys prokýrorynyń baqylaýynda» delingen habarlamada.
Eske sala keteiik, keshe Jetisai qalasynda ógei sheshe qyzdaryna ine tyǵyp, tońazytqyshqa otyrǵyzyp azaptaǵany belgili bolǵan edi. Qylmystyq is qozǵalyp, áiel qamaýǵa alyndy. Aita keteiik, qyzdardyń denesinen soqqy izin kórgen muǵalimder politsiiaǵa habar bergen. Búgin bilim jáne ǵylym ministrligi oqiǵany der kezinde anyqtap, aldyn almaǵan mektep direktory men synyp jetekshileri, aýdan basshylyǵy tártiptik jazaǵa tartylatynyn málimdedi.
