Túrkistan oblysynda indet juqtyrǵan naýqas Jetisai aýdanynyń turǵyny bolyp shyqty. Bul týraly oblys ákiminiń orynbasary Sáken Qalqamanov feisbýk áleýmettik jelisindegi paraqashasynda jariia etti, dep habarlaidy "Ult aqparat".
Sáken Qalqamanovtyń habarlaýynsha, shalǵai aýdannyń turǵyny óńirge Pavlodar-Qyzylorda baǵytyndaǵy poiyzben kelgen.
«Koronavirýs juqtyrǵan azamat 27 naýryzdan beri qyzýy kóterilip aýyrǵan. Aýrýhanaǵa 30 naýryz kúni qaralǵan. Naýqas 21 naýryz kúni Nur-Sultan qalasynan Pavlodar-Qyzylorda baǵytyndaǵy poiyzben Qaraǵandy qalasyna toqtaǵan. Alty saǵat vokzalda otyrǵan ol ary qarai Petropavl-Qyzylorda baǵytyndaǵy poiyzǵa 22 naýryz kúni saǵat 6:00-de otyrǵan. 23 naýryz kúni Shymkent qalasynan túsken. Ary qarai jeke kólikpen Jetisai qalasyna jolǵa shyqqan. Ázirge anyqtalǵany - naýqaspen 16 adam qarym-qatynasta bolǵan. 5 adam Nur-Sultan qalasynda bailanysta bolsa, 11 adam - Jetisai qalasynyń turǵyndary» delingen paraqshada.
Aita keteiik, Túrkistan oblysynda búgin koronavirýs juqtyrǵan naýqas anyqtalǵany habarlanǵan bolatyn.
