Búgin Túrkistan oblysy, Jetisai aýdanynyń ortalyǵy – Jetisai qalasynda tibettik em qabyldaý emhanasy ashyldy, dep habarlaidy "Ult aqparat" óńir basshysynyń baspasóz qyzmetine silteme jasap.
Meditsinalyq nysannyń ashylý saltanatyna Jetisai aýdany ákiminiń orynbasary Maqsat Joldasbekov, Jetisai qalasy ákiminiń mindetin ýaqytsha atqarýshy Qadyr Smailov, Jetisai aýdandyq «Nur Otan» partiiasy tóraǵasynyń birinshi orynbasary Ábdimanap Baidýllaev jáne birqatar bastaýysh partiia uiymdarynyń tóraǵalary men BAQ ókilderi qatysty.
Atalǵan nysannyń ashylýyna jetisailyq jeke kásipker «Táj» JShS-niń bas direktory Medet Taimanov muryndyq bolypty. Naqtyraq aitsaq, Qytaida arnaiy bilim alyp kelgen 4 mamandy osynda jumys isteýge shaqyrypty.
«Sońǵy jyldary ákem naýqastanyp, shyǵystyq emdeý sharalarynyń tiimdiligin baiqadym. Ásirese, onyń ishinde tibettik em-dom sharalary kóńilimnen shyqty. Sóitip, dál osyndai ortalyqty Jetisaidan ashýdy jón sanadym. Astanada jumys istegen 1 dáriger, 1 ine salýshy, 2 massajshy mamandy barlyq jaǵdaiyn jasap, týǵan jerime alyp keldim», - deidi Medet Toilybaiuly.
Bul meditsinalyq ortalyqta 8 túrli em-dom sharalary kórsetiledi. Atap aitsaq, tamyr ustap diagnoz qoiý, inemen emdeý, massaj, fizoterapiia, banka qoiý, otpen emdeý, tabiǵi taza shóptermen emdeý, hijama jasaý. Sondai-aq, asqazan, baýyr, júrek, búirek qanbasymy,infark, insýlt, erler jáne áielder, bel omyrtqa, teri aýrýlary, grija sekildi shipalar jasalady.
Ashylý saltanaty barysynda bir aptalyq tegin em-doý qabyldaý lotereiasy oinatyldy. Nátijesinde 15 azamat jeńimpaz atanyp, bir aptalyq aktsiianyń sharapatyna bólenýge múmkindik aldy.
