Qazaqstandyqtardy jelide taraǵan alyp kesirtke sýreti shoshytty, - dep habarlaidy Tengrinews.kz.
Jeli qoldanýshylary kózi jabyq, tumsyǵy qansyraǵan kesirtkeniń sýretin taratty. Boljam boiynsha, janýar óli.
Sýret sipattamasynda kesirtke Túrkistan oblysy Jetisaidan tabylǵany aitylady. Keibir jeli qoldanýshylar sýrettegi Ortalyq Aziia sur kesirtkesi bolýy múmkin ekenin atap ótti. Kesirtkeniń bul túri Qazaqstannyń ońtústik aimaqtarynda mekendeidi.
Tengrinews.kz redaktsiiasy jaǵdaidy anyqtaý úshin Túrkistan oblysy ákimdigine habarlasty. Sheneýnikter aimaqta óli kesirtke tabylmaǵanyn aitty.
"Jetisai ákimdigi bul oqiǵadan beihabar. Olar bul jaǵdai Jetisaida tirkelýi múmkin emes ekenin aitty. Bul - qate aqparat. Sonymen qatar, sýrettegi aimaq Jetisaiǵa uqsamaidy. Keibireýler sýrettegi jaǵdai Meksikada bolǵan dep boljaidy. Buryn internette osyǵan uqsas ólgen kesirtkeniń sýreti jariialandy", - dedi óńir ákimdiginiń baspasóz qyzmeti ókilderi.
