Jetisailyq kásipkerler búgin taǵy da ortalyq kósheni jaýyp, bazar ákimshiligine nysandy tezdetip ashýdy talap etti, dep habarlaidy "Ult aqparat".
Halyqpen kezdesýge oblys ákiminiń orynbasary Sáken Qalqamanov, aýdan ákimi Murat Qadyrbek shyǵyp, bazardaǵy jóndeý jumystary 1-2 kún saraptama jumystary bitken soń bastalatynyn túsindirdi.
«Eki saraptama jasalady. Birinshisi – qurylys saraptamasy, ekinshisi – taýarlyq saraptama. Qazir bazar iesi jańa nysannyń jobasyn jasap, bizge usynady. Órt qaýipsizdigin saqtaý, ári halyqqa qoljetimdi bolatyn bazar salýymyz kerek. Órtengen bazar isi boiynsha tergeý jumystary bastaldy. Nysan iesi ýáde bergendei, 15-20 kún ýaqytta bazar iske qosylady», - dedi Qalqamanov.
Jinalystan keiin aýdan ákimdiginde bazar kásipkerleriniń nesie ýaqytyn shegerý, qaita qarjylandyrý boiynsha ekinshi deńgeili bank ókilderimen kezdesý ótti.
Halyq bank, Jýsan bank, KMF ókilderi kelip kásipkerlerdiń árqaisymen jekelei jumys júrgizetinderin aitty.
Sondai-aq shyǵyndy esepteý boiynsha komissiia quramyna kásipkerler arasynan belsendi azamattar kirdi. Taýary órtenip ketken kásipkerler tizimi jasaqtalyp, bazardyń ár bólimi boiynsha tiisti aqparatty jinaqtaityn jaýaptylar bekitildi.
