Túrkistan oblysyndaǵy Jetisai qalasynda bazardaǵy órtke bailanysty arnaiy komissiia quryldy. Oblys ákimi Ómirzaq Shókeev oqiǵanyń sebebin anyqtaý jáne zardap shekkenderge kómek kórsetý boiynsha tapsyrma berdi.
Búgin, saǵat 03:00-de Jetisai qalasyndaǵy "Kúlparshyn" bazarynyń aýmaǵynda aýdany 500 sharshy metr bolatyn jeke turǵan bir qabatty ǵimaratta jáne aýdany 400 sharshy metr qalqanyń astynda ornalasqan aýmaqtan órt shyqty (Bazardyń jalpy aýdany – 2500 sharshy metr).
Órt tańǵy saǵat 05:20-da aýyzdyqtalyp, 07:35-te sóndirildi. Zardap shekkender joq. Órttiń shyǵý sebebi anyqtalýda. Jeldiń saldarynan órtti sóndirý qiyn boldy. Jalyndy sóndirýge 47 órt sóndirýshi men 16 tehnika jumyldyryldy.
"Túrkistan oblysynyń ákimi Ómirzaq Shókeevtiń tapsyrmasy boiynsha oqiǵa sebepterin anyqtaý jáne órtten zardap shekkenderge kómek kórsetý jónindegi komissiia quryldy. Oǵan oblys ákiminiń orynbasary Sáken Qalqamanov jetekshilik etedi. Komissiia aldynda eń aldymen zardap shekkenderdiń sanyn esepteý, materialdyq zalaldy baǵalaý, mindeti tur. Qazirgi ýaqytta bazardyń basshylyǵy men quryltaishylary jáne aýdan biligi satýshylarmen kezdesti. Másele baqylaýǵa alyndy" delingen bapasóz habarlamasynda.
