Búgin Jetisai aýdanynyń «Syrdariia» ýniversitetiniń «Qazaqstan» stýdentter saraiynda Memleket basshysynyń «Uly dalanyń jeti qyry» atty maqalasy aiasynda jastarǵa tarihi – taǵlym nasihattaý is-sharasy ótti, dep habarlaidy "Ult aqparat" óńir basshysynyń baspasóz qyzmetine silteme jasap.
Jiynǵa dúniejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov, Maqtaaral aýdanynyń ákimi Baqyt Asanov, Jetisai aýdany ákiminiń orynbasary Maqsat Joldasbekov, “Nur Otan” partiiasy Jetisai aýdandyq filialy tóraǵasynyń birinshi orynbasary Ábdimanap Baidýllaev jáne «Syrdariia» ýniversitetiniń rektory, professor Serik Daiyrbekovtyń qatysty.
Shara barysynda sóz alǵan Zaýytbek Turysbekov qazaq handary týraly áńgime órbitip, baba tarihymyzdy úgittep, nasihattaý jumystaryn kúsheitý kerektigine toqtaldy. Sondai-aq, sharada Nurtas Ońdasynovtyń elge jasaǵan erligi týraly arnaiy beinefilmi kórsetildi.
Nurtas Ońdasynov qoǵam qairatkeri, tilshi-ǵalym. Ol kisi zamannyń aýyr kezeńinde 13 jyl boiy Qazaqstan Halyq Komissarlar Keńesiniń tóraǵasy bolǵan. Úkimet basyna kelisimen birinshi kezekte elde júrip jatqan saýatsyzdyqty joiýdy qolǵa alyp, ony sátti aiaqtaidy.
Shalǵai aýdandarda muǵalimder daiarlaityn kýrstar, ýchilishe, oblys ortalyqtarynda muǵalimder institýtyn ashyp, Ortalyq Komitettiń saiasatynyń júzege asýyna kúsh salady. Qazaqstan Ortalyq Komitetiniń biýro múshesi retinde ol mádeniet máselelerine jaýapty boldy. N.Ońdasynov soǵys jyldarynyń aýyrtpalyǵyna qaramai Abaidyń 95 jáne 100 jyldyq mereitoiyn asa biik dárejede atap ótý jóninde Úkimet qaýlysyn shyǵaryp, komissiianyń tóraǵasy ózi bolyp ótkizgen.
Jiynda jaryssózge shyqqandar Elbasynyń maqalasyn tereń uǵynyp, keleshek urpaqqa úlge etýde aianbai eńbek etýge ýaǵdalasyp tarqasty.
