Ániia Baiorazova "Jetinshi arnanyń" bas direktory bolyp taǵaiyndaldy, - dep habarlaidy "Ult aqparat" telearna saityna silteme jasap.
Baiorazova 2009 jyly Ál-Farabi atyndaǵy Qazaq ulttyq ýniversitetiniń jýrnalistika fakýltetin bitirgen.
Onyń media jáne teledidar óndirisinde 15 jyldan asa tájiribesi bar. Eńbek jolyn ýniversitette oqyp júrgende 31 arnada bastaǵan. Ol redaktor, stsenarist jáne aqparattyq oiyn-saýyq jobalarynyń júrgizýshisi bolyp jumys istegen.
2010-2020 jyldar aralyǵynda aqparattyq qyzmettiń tilshisi, "Habar" telearnasynyń diktory, "Elarna" telearnasy men "Almaty" telearnasynda túrli telejobalardyń júrgizýshisi qyzmetterin atqarǵan.
"Jas Otan" tóraǵasynyń keńesshisi qyzmetin atqardy. "Biz Birgemiz" halyqtyq is-sharasyn sátti uiymdastyryp, PR jumystaryn júrgizdi.
2020 jyldan QR Prezidenti janyndaǵy "Ortalyq kommýnikatsiialar qyzmeti" RMM-de jumys istei júrip, óziniń shyǵarmashylyq qyzmetin otandyq telearnalarda jalǵastyrdy.
Qazir ol Almaty Menedjment Ýniversitetinde MBA dárejesine oqyp jatyr. Úsh tilde erkin sóileidi. Eki bala tárbielep otyr.
