Elimizdiń jeti óńirinde daýyldy eskertý jariialandy. Bul týraly QR Tótenshe jaǵdailar ministrliginiń resmi ókili Talǵat Ýáli málim etti, dep habarlaidy "Ult aqparat".
«QazAvtoJol» UK» AQ pen «Jolaýshylar kóligi jáne avtomobil joldary basqarmasy» MM derekterine sáikes, aýa raiynyń nasharlaýyna bailanysty (kóktaiǵaq, qar aralas jańbyr, jaiaý burqasyn, shekteýli kóriný) elimizdiń jeti óńirinde Nur-Sultan qalasyndaǵy, Aqmola, Almaty, Shyǵys Qazaqstan, Qaraǵandy, Qostanai, Pavlodar, Soltústik Qazaqstan oblystaryndaǵy respýblikalyq jáne oblystyq mańyzy bar avtojoldarda qozǵalys jabyldy», - dedi Talǵat Ýáli.
Sonymen qatar «Qazgidromet» RMK derekteri boiynsha aldaǵy kúnderi elimizdiń barlyq óńirinde - Nur-Sultan, Aqmola, Aqtóbe, Atyraý, Shyǵys Qazaqstan, Jambyl, Batys-Qazaqstan, Qaraǵandy, Qostanai, Qyzylorda, Mańǵystaý, Pavlodar, Soltústik Qazaqstan, Túrkistan oblystarynyń kei jerlerinde kóktaiǵaq, burqasyn, qar, tuman bolyp, jeldiń jyldamdyǵy sekýndyna 15-20 metrge jetedi.
«Azamattardy aýa-raiynyń ózgeristerin baqylaýǵa shaqyramyz. Daýyldy eskertý týraly habarlamalardy tyńdap, qajetti saqtyq sharalaryn saqtańyzdar. Qys maýsymynda kólikpen alys joldarǵa shyqpas buryn, aýa raiy boljamyn mindetti túrde zerdelegen jón. Eger qatty boran, burqasyn bolsa, jol keptelisinde uzaq turyp qalýyńyz múmkin. Tipti jol-kólik oqiǵasyna da tap bolýyńyz yqtimal. Eger qandai da bir eldi mekenge shuǵyl barýyńyz kerek bolsa, dittegen jerińizge kedergisiz jetý úshin temirjol kóligin paidalanýǵa keńes beremiz», - dedi Talǵat Ýáli.
