«Almaty» arnasynda ótken Akimat Live baǵdarlamasynda Baqytjan Saǵyntaev pandemiiany paidalanyp, kóbirek paida tappaq bolǵandar týraly aitty, dep habarlaidy QazAqparat.
Qala ákiminiń sózine sensek, politsiiaǵa zirat qyzmetkerleriniń zańbuzýshylyǵyn aityp, 8 adam júgingen.
Zirat qyzmetkerleri olardy bekitilgen somadan bólek 70-80 myń teńge tóleýge májbúrlegen.
Qazir osy is boiynsha 2 adam ustaldy.
«Qalada meditsinalyq zattar men dári-dármek baǵasyn sharyqtatqan alypsatarlar ustaldy. Olar eń qajet buiymdardy kóterme baǵamen kóp mólsherde satyp alǵan. Sosyn internet arqyly habarlandyrý bergen. Qalalyq politsiiamen birige otyryp, klient retinde habarlasyp, kezdesýden soń olardy áshkereleýmen ainalystyq. Osylaisha 8,5 mln teńgege dári-dármek tárkiledik», - dedi ákim.
Zańsyz dári saýdasynyń jolyn kesý úshin politsiia, ekonomikalyq tergeý departamenti, taýarlar men qymetterdiń sapasy men qaýipsizdigin qadaǵalaý departamentiniń mamandarynan mobildi top quryldy.
Bul top 100-ge jýyq jýyq quqyqbuzýshylyqty anyqtady. Onyń 24-i boiynsha qylmystyq is qozǵaldy. 986 qaptama «Levotsin», «Ingavirin», «Fraksiparin», «Azitromitsin», 8,5 mln meditsinalyq maska tárkilendi.
39 adam ákimshilik jaýapershilikke tartyldy.
