«الماتى» ارناسىندا ٶتكەن Akimat Live باعدارلاماسىندا باقىتجان ساعىنتاەۆ پاندەمييانى پايدالانىپ, كٶبٸرەك پايدا تاپپاق بولعاندار تۋرالى ايتتى, دەپ حابارلايدى قازاقپارات.
قالا ەكٸمٸنٸڭ سٶزٸنە سەنسەك, پوليتسيياعا زيرات قىزمەتكەرلەرٸنٸڭ زاڭبۇزۋشىلىعىن ايتىپ, 8 ادام جٷگٸنگەن.
زيرات قىزمەتكەرلەرٸ ولاردى بەكٸتٸلگەن سومادان بٶلەك 70-80 مىڭ تەڭگە تٶلەۋگە مەجبٷرلەگەن.
قازٸر وسى ٸس بويىنشا 2 ادام ۇستالدى.
«قالادا مەديتسينالىق زاتتار مەن دەرٸ-دەرمەك باعاسىن شارىقتاتقان الىپساتارلار ۇستالدى. ولار ەڭ قاجەت بۇيىمداردى كٶتەرمە باعامەن كٶپ مٶلشەردە ساتىپ العان. سوسىن ينتەرنەت ارقىلى حابارلاندىرۋ بەرگەن. قالالىق پوليتسييامەن بٸرٸگە وتىرىپ, كليەنت رەتٸندە حابارلاسىپ, كەزدەسۋدەن سوڭ ولاردى ەشكەرەلەۋمەن اينالىستىق. وسىلايشا 8,5 ملن تەڭگەگە دەرٸ-دەرمەك تەركٸلەدٸك», - دەدٸ ەكٸم.
زاڭسىز دەرٸ ساۋداسىنىڭ جولىن كەسۋ ٷشٸن پوليتسييا, ەكونوميكالىق تەرگەۋ دەپارتامەنتٸ, تاۋارلار مەن قىمەتتەردٸڭ ساپاسى مەن قاۋٸپسٸزدٸگٸن قاداعالاۋ دەپارتامەنتٸنٸڭ ماماندارىنان موبيلدٸ توپ قۇرىلدى.
بۇل توپ 100-گە جۋىق جۋىق قۇقىقبۇزۋشىلىقتى انىقتادى. ونىڭ 24-ٸ بويىنشا قىلمىستىق ٸس قوزعالدى. 986 قاپتاما «لەۆوتسين», «ينگاۆيرين», «فراكسيپارين», «ازيتروميتسين», 8,5 ملن مەديتسينالىق ماسكا تەركٸلەندٸ.
39 ادام ەكٸمشٸلٸك جاۋاپەرشٸلٸككە تارتىلدى.
