Jergilikti jerlerdegi biliktiń tótenshe jaǵdailarǵa daiyndyǵyna taldaý júrgiziledi. Bul týraly búgin Úkimet otyrysynda QR Aqparat jáne qoǵamdyq damý ministri Asqar Ýmarov málim etti, dep habarlaidy QazAqparat tilshisi.
«Ministrlik azamattyq qoǵam men sarapshylardyń qatysýymen QR Prezidentiniń jańa saiasi bastamalaryn keńinen taldaý uiymdastyratyn bolady. Sonymen qatar elimizdiń óńirlerinde azamattyq sektordyń qatysýymen saraptamalyq pikirtalastar, strategiialyq sessiialar men talqylaýlar seriiasyn ótkizý josparlanǵan. Tutastai alǵanda, ortalyq bilik jáne jergilikti halyq arasyndaǵy ózara is-qimyl kommýnikatsiialyq arnalaryn kúsheitý maqsatynda jergilikti jerlerdegi biliktiń tótenshe jaǵdailarǵa daiyndyǵyna, jergilikti atqarýshy organdar jumysyna taldaý júrgiziletin bolady», - dedi Asqar Ýmarov.
Onyń atap ótýinshe, quqyqtyq retteý tetikteri úkimettik emes uiymdar qyzmetiniń, sondai-aq qoǵamdyq birlestikterdi memleketttik qoldaýdy qamtamasyz etýdiń erekshelikterin eskerýge tiis.
«Azamattyq qoǵamnyń damýyna jáne azamattyq bastamalardy iske asyrý múmkindigine orai qosymsha qarqyndy quqyqtyq quraldar qajet. Ol úshin 2023 jyly qoldanystaǵy «Qoǵamdyq birlestikter týraly» zańnamǵa ózgerister engizý arqyly azamattardyń birlesý bostandyǵy quqyǵyn iske asyrý tetigin keńeitý josparlanýda», - dedi ministr.
