Jergilikti máslihat depýtattaryn sailaýǵa 832 partiialyq tizim tirkeldi. Bul týraly búgin Ortalyq sailaý komissiiasynyń múshesi Erlan Daýylbaev aitty, dep habarlaidy QazAqparat.
«Ortalyq sailaý komissiiasy 2021 jylǵy 10 qańtarǵa taǵaiyndalǵan Qazaqstan Respýblikasy máslihat depýtattarynyń kezekti sailaýyna qatysýǵa Ádilet ministrliginde belgilengen tártippen tirkelgen 6 saiasi partiia jiberilgen bolatyn. Sailaý komissiialary 5 saiasi partiiadan: «Aýyl» halyqtyq-demokratiialyq patriottyq partiiasynan; «Nur Otan» partiiasynan; «ADAL» saiasi partiiasynan; «Aq jol» Qazaqstannyń demokratiialyq partiiasynan; «Qazaqstannyń Halyq partiiasynan» máslihat depýtattyǵyna kandidattardyń partiialyq tizimderin usyný týraly qujattar usynyldy. Barlyǵy 840 partiialyq tizim berildi», - dedi ol QR OSK otyrysynda.
Onyń atap ótýinshe, «Nur Otan» partiiasy men «ADAL» saiasi partiiasy óńirlerdegi barlyq 216 máslihatqa sailaý okrýgteri boiynsha tizimderdi usyndy.
«Aq jol» QDP-nan 175, «Aýyl» HDPP - 159, «Qazaqstan Halyq partiiasy» 74 tizim usynylyp otyr.
«17 okrýg boiynsha oblystardyń, respýblikalyq mańyzy bar qalalardyń jáne astananyń máslihattaryna 75 tizim (1392 kandidat) berildi. 36 okrýg boiynsha oblystyq mańyzy bar qalalardyń máslihattaryna 134 tizim (1415 kandidat) usynyldy. Aýdandyq máslihattardyń 163 okrýgi boiynsha 631 tizim (5527 kandidat) usynylyp otyr. Partiialyq tizimderge 8334 kandidat engizildi, onyń ishinde 3721-i – áielder men 29 jasqa tolmaǵan jastar», - deidi Erlan Daýylbaev.
QR OSK múshesiniń aitýynsha, partiialyq tizimdi tirkeý 2020 jylǵy 10 jeltoqsanda jergilikti ýaqytpen saǵat 18-de aiaqtaldy.
Barlyǵy 832 partiialyq tizim tirkeldi.
Onyń ishinde: «Aýyl» HDPP - 158; «Nur Otan» partiiasy - 216; «ADAL» SP - 215; «Aq jol» QDP - 174; «Qazaqstan Halyq partiiasy» - 69 tizim.
