جەرگٸلٸكتٸ مەسليحات دەپۋتاتتارىن سايلاۋعا 832 پارتييالىق تٸزٸم تٸركەلدٸ. بۇل تۋرالى بٷگٸن ورتالىق سايلاۋ كوميسسيياسىنىڭ مٷشەسٸ ەرلان داۋىلباەۆ ايتتى, دەپ حابارلايدى قازاقپارات.
«ورتالىق سايلاۋ كوميسسيياسى 2021 جىلعى 10 قاڭتارعا تاعايىندالعان قازاقستان رەسپۋبليكاسى مەسليحات دەپۋتاتتارىنىڭ كەزەكتٸ سايلاۋىنا قاتىسۋعا ەدٸلەت مينيسترلٸگٸندە بەلگٸلەنگەن تەرتٸپپەن تٸركەلگەن 6 ساياسي پارتييا جٸبەرٸلگەن بولاتىن. سايلاۋ كوميسسييالارى 5 ساياسي پارتييادان: «اۋىل» حالىقتىق-دەموكراتييالىق پاتريوتتىق پارتيياسىنان; «Nur Otan» پارتيياسىنان; «ADAL» ساياسي پارتيياسىنان; «اق جول» قازاقستاننىڭ دەموكراتييالىق پارتيياسىنان; «قازاقستاننىڭ حالىق پارتيياسىنان» مەسليحات دەپۋتاتتىعىنا كانديداتتاردىڭ پارتييالىق تٸزٸمدەرٸن ۇسىنۋ تۋرالى قۇجاتتار ۇسىنىلدى. بارلىعى 840 پارتييالىق تٸزٸم بەرٸلدٸ», - دەدٸ ول قر وسك وتىرىسىندا.
ونىڭ اتاپ ٶتۋٸنشە, «Nur Otan» پارتيياسى مەن «اDAL» ساياسي پارتيياسى ٶڭٸرلەردەگٸ بارلىق 216 مەسليحاتقا سايلاۋ وكرۋگتەرٸ بويىنشا تٸزٸمدەردٸ ۇسىندى.
«اق جول» قدپ-نان 175, «اۋىل» حدپپ - 159, «قازاقستان حالىق پارتيياسى» 74 تٸزٸم ۇسىنىلىپ وتىر.
«17 وكرۋگ بويىنشا وبلىستاردىڭ, رەسپۋبليكالىق ماڭىزى بار قالالاردىڭ جەنە استانانىڭ مەسليحاتتارىنا 75 تٸزٸم (1392 كانديدات) بەرٸلدٸ. 36 وكرۋگ بويىنشا وبلىستىق ماڭىزى بار قالالاردىڭ مەسليحاتتارىنا 134 تٸزٸم (1415 كانديدات) ۇسىنىلدى. اۋداندىق مەسليحاتتاردىڭ 163 وكرۋگٸ بويىنشا 631 تٸزٸم (5527 كانديدات) ۇسىنىلىپ وتىر. پارتييالىق تٸزٸمدەرگە 8334 كانديدات ەنگٸزٸلدٸ, ونىڭ ٸشٸندە 3721-ٸ – ەيەلدەر مەن 29 جاسقا تولماعان جاستار», - دەيدٸ ەرلان داۋىلباەۆ.
قر وسك مٷشەسٸنٸڭ ايتۋىنشا, پارتييالىق تٸزٸمدٸ تٸركەۋ 2020 جىلعى 10 جەلتوقساندا جەرگٸلٸكتٸ ۋاقىتپەن ساعات 18-دە اياقتالدى.
بارلىعى 832 پارتييالىق تٸزٸم تٸركەلدٸ.
ونىڭ ٸشٸندە: «اۋىل» حدپپ - 158; «Nur Otan» پارتيياسى - 216; «ADAL» سپ - 215; «اق جول» قدپ - 174; «قازاقستان حالىق پارتيياسى» - 69 تٸزٸم.
