foto: pixabay.com
Rekordtyq kólemdegi kometa saǵatyna shamamen 35 myń shaqyrym jyldamdyqpen Jerge jaqyndap keledi, - dep habarlaidy Tengrinews.kz tilshisi NASA saityna silteme jasap.
Hubble teleskopy NASA ǵalymdaryna shamamen 10 jyl buryn ashylǵan C/2014 UN271 Bernardinelli-Bernshtein kometasy iadrosynyń rekordtyq ólshemin anyqtaýǵa kómektesti.
Kometa iadrosynyń boljamdy diametri - shamamen 137 shaqyrym. Ǵalymdardyń aitýynsha, bul Kún júiesindegi kometalar iadrosynyń ortasha ólsheminen shamamen 50 ese úlken jáne burynǵy rekordshydan 20 shaqyrymǵa artyq. Sonymen qatar, onyń massasy 500 trillion tonna dep baǵalanǵan, bul Kúnge áldeqaida jaqyn ornalasqan ádettegi kometanyń massasynan 100 myń ese kóp. Osylaisha, bul adamzat baiqaǵan eń úlken kometa bolyp otyr.
"Biz árqashan bul kometa óte úlken ekenin bilgenbiz, óitkeni ol óte alys qashyqta ornalassa da, jarqyrap turady", - dedi Los-Andjelestegi Kaliforniia ýniversitetiniń (UCLA) planetologiia jáne astronomiia professory Devid Djevitt.
Kometa Jerge eshqandai qaýip tóndirmeitini atap ótildi. Ǵalymdardyń pikirinshe, kometa Kúnge milliard milden artyq jaqyndamaidy, al bul Satýrn planetasynan da alys jáne bul 2031 jylǵa deiin bolmaidy.
