10 tamyz kúni 2006 QQ23 asteroidy Jerge deiin 0,049 astronomiialyq birlikke (7,3 million km) ǵana jetpei, saǵatyna 16 740 kilometr jyldamdyqpen ushyp ótedi, dep habarlaidy QazAqparat NASA Reaktivti qozǵalystar zerthanasynyń Jer mańyndaǵy nysandardy zertteý ortalyǵyna silteme jasap.
Jerge jaqyndap kele jatqan asteroidtyń diametri - 570 metr. Bul, Niý-Iorktegi belgili Empair-steit-bilding (443 metr) munarasynyń biiktiginen de úlken. Degenmen, dál qazirgi ýaqytta aspan denesi bizdiń ǵalamsharǵa eshqandai qaýip tóndirmeidi.
Aita keteiik, Kún júiesinde úlkendigi bir kilometrden asatyn 900 jermańy nysany bar. Iaǵni olar kólemi men salmaǵy jaǵynan 2006 QQ23 asteroidynan áldeqaida úlken.
NASA Jerge jaqyn ushyp ótetin kometalar men asteroidtardyń ushý traektoriialaryna zertteý jumystaryn olar tikelei qaýip tóndirip turǵandyqtan ǵana emes, sondai-aq ol nysandardan bolashaqta qandai qaýip tónýi múmkindigin anyqtaý úshin ótkizedi.
Jalpy, jyl saiyn orta eseppen 2006 QQ23 asteroidynyń kólemimen para-par alty ǵarysh nysany Jerdi mańailap ushyp ótedi.
