Jer komissiiasynyń tóraǵasy Asqar Myrzahmetov aýyl sharýashylyǵy jerlerine qatysty Parlament qaraýyna usynylatyn birqatar máselelerdi jariialady. Sonyń ishinde qazaqstandyqtarǵa jerdi jalǵa berý máselesi bar. Búgingi zańnamaǵa sáikes, Qazaqstan azamattary aýyl sharýashylyǵy jerlerin 49 jylǵa jalǵa ala alady, dep habarlaidy BNews.kz tilshisi.
«Kelesi bir másele – Jer kodeksinde aýyl sharýashylyǵy jerlerin berýdiń egjei-tegjeili reglamentterin belgileý. Sebebi ótken otyrystarda biz aittyq, búgingi qodanystaǵy zańnamalarda jerlerdi baǵytyna qarai bólmei, jalpy jerdi berý tártibi ǵana berilgen. Al, endi aýyl sharýashylyǵy jerleriniń qanshalyqty mańyzdy ekenin jaqsy bilemiz. Osyǵan bailanysty aýyl sharýashylyǵy jerlerin jalǵa berýdiń óz aldyna jeke tártibin, reglamentin bekitý kerektigi jaiynda aityldy. Aýyl sharýashlyǵy jerlerin jalǵa berý jónindegi konkýrstardyń ashyqtyǵyn qamtamasyz etý bul da búgingi tańda úlken bir másele retinde talqylandy. Osyǵan orai, jalǵa berý konkýrstarynyń quramyna qoǵamdyq keńester men birlestikterdiń ókilderin qatystyrý boiynsha sheshim qabyldanyp otyr», - dedi A.Myrzahmetov komissiianyń búgingi otyrysynda.
Sondai-aq ákimdikterdiń aýyl sharýashylyǵy jerlerin jalǵa berýdiń naqty bir konkýrs ótkizetin qaǵidalaryn ázirleý boiynsha usynystar bar.
«Jalǵa berý merzimin biznes josparǵa sáikes, investitsiialardyń kólemine qarai aiqyndaý, iaǵni jerdi alamyn degen kezde oǵan birden 49 jylǵa berip qoimai, aldymen onyń biznes josparyn, onyń investitsiialyq múmkindikterin qaraý, soǵan qarai, jerdi jalǵa berý merzimi boiynsha sheshim qabyldaý usynylyp otyr. Aitalyq, alǵashqy kezde qysqa merzimge jalǵa bergennen keiin sol azamat alǵan mindetterdi ary qarai oryndaityn bolsa, onda sol jalǵa alý merzimin uzartý máselesin qarastyrý qajet», - dep atap kórsetti A.Myrzahmetov.
.jpeg)