جەر كوميسسيياسىنىڭ تٶراعاسى اسقار مىرزاحمەتوۆ اۋىل شارۋاشىلىعى جەرلەرٸنە قاتىستى پارلامەنت قاراۋىنا ۇسىنىلاتىن بٸرقاتار مەسەلەلەردٸ جارييالادى. سونىڭ ٸشٸندە قازاقستاندىقتارعا جەردٸ جالعا بەرۋ مەسەلەسٸ بار. بٷگٸنگٸ زاڭناماعا سەيكەس, قازاقستان ازاماتتارى اۋىل شارۋاشىلىعى جەرلەرٸن 49 جىلعا جالعا الا الادى, دەپ حابارلايدى BNews.kz تٸلشٸسٸ.
«كەلەسٸ بٸر مەسەلە – جەر كودەكسٸندە اۋىل شارۋاشىلىعى جەرلەرٸن بەرۋدٸڭ ەگجەي-تەگجەيلٸ رەگلامەنتتەرٸن بەلگٸلەۋ. سەبەبٸ ٶتكەن وتىرىستاردا بٸز ايتتىق, بٷگٸنگٸ قودانىستاعى زاڭنامالاردا جەرلەردٸ باعىتىنا قاراي بٶلمەي, جالپى جەردٸ بەرۋ تەرتٸبٸ عانا بەرٸلگەن. ال, ەندٸ اۋىل شارۋاشىلىعى جەرلەرٸنٸڭ قانشالىقتى ماڭىزدى ەكەنٸن جاقسى بٸلەمٸز. وسىعان بايلانىستى اۋىل شارۋاشىلىعى جەرلەرٸن جالعا بەرۋدٸڭ ٶز الدىنا جەكە تەرتٸبٸن, رەگلامەنتٸن بەكٸتۋ كەرەكتٸگٸ جايىندا ايتىلدى. اۋىل شارۋاشلىعى جەرلەرٸن جالعا بەرۋ جٶنٸندەگٸ كونكۋرستاردىڭ اشىقتىعىن قامتاماسىز ەتۋ بۇل دا بٷگٸنگٸ تاڭدا ٷلكەن بٸر مەسەلە رەتٸندە تالقىلاندى. وسىعان وراي, جالعا بەرۋ كونكۋرستارىنىڭ قۇرامىنا قوعامدىق كەڭەستەر مەن بٸرلەستٸكتەردٸڭ ٶكٸلدەرٸن قاتىستىرۋ بويىنشا شەشٸم قابىلدانىپ وتىر», - دەدٸ ا.مىرزاحمەتوۆ كوميسسييانىڭ بٷگٸنگٸ وتىرىسىندا.
سونداي-اق ەكٸمدٸكتەردٸڭ اۋىل شارۋاشىلىعى جەرلەرٸن جالعا بەرۋدٸڭ ناقتى بٸر كونكۋرس ٶتكٸزەتٸن قاعيدالارىن ەزٸرلەۋ بويىنشا ۇسىنىستار بار.
«جالعا بەرۋ مەرزٸمٸن بيزنەس جوسپارعا سەيكەس, ينۆەستيتسييالاردىڭ كٶلەمٸنە قاراي ايقىنداۋ, ياعني جەردٸ الامىن دەگەن كەزدە وعان بٸردەن 49 جىلعا بەرٸپ قويماي, الدىمەن ونىڭ بيزنەس جوسپارىن, ونىڭ ينۆەستيتسييالىق مٷمكٸندٸكتەرٸن قاراۋ, سوعان قاراي, جەردٸ جالعا بەرۋ مەرزٸمٸ بويىنشا شەشٸم قابىلداۋ ۇسىنىلىپ وتىر. ايتالىق, العاشقى كەزدە قىسقا مەرزٸمگە جالعا بەرگەننەن كەيٸن سول ازامات العان مٸندەتتەردٸ ارى قاراي ورىندايتىن بولسا, وندا سول جالعا الۋ مەرزٸمٸن ۇزارتۋ مەسەلەسٸن قاراستىرۋ قاجەت», - دەپ اتاپ كٶرسەتتٸ ا.مىرزاحمەتوۆ.
.jpeg)