Halyq arasynda sýdy únemdep paidalaný týraly aqparattyq túsindirý jumystaryn júrgizý kerek. Bul týraly búgin QR Parlamenti Májilisiniń Tóraǵasy Nurlan Nyǵmatýlin aitty, dep habarlaidy QazAqparat.
«Táýelsizdik alǵan jyldardyń ishinde Qazaqstanymyz úlken belesterge shyqty. Elbasy Nursultan Nazarbaevtyń saiasatynyń jáne strategiialyq maqsattarynyń arqasynda biz barlyq salalarda joǵary tabystarǵa jettik. Ásirese, áleýmettik-ekonomikalyq baǵytta kóptegen mańyzdy jobalar qolǵa alyndy. Onyń ishinde búgingi talqylap otyrǵan aýyz sý máselesin de aitýǵa bolady. Árqashanda sý - ol tirshiliktiń kózi, ómirdiń bastaýy, azamattyń qýaty. Onsyz ómir bolmaidy. Halqymyz aitqandai, «sý bar jerde bereke de bar». Jer betinde adam sany ósken saiyn aýyz sý da álemdik mańyzdy máselege ainaldy. Bizdiń elimizde de ol eń negizgi suraqtardyń biri», - dedi Májilis Tóraǵasy elimizdiń eldi mekenderin sapaly aýyz sýmen qamtamasyz etýdiń ózekti máselelerine arnalǵan parlamenttik tyńdaý barysynda.
Onyń aitýynsha, atalǵan salada «Taza aýyz sý», «Aqbulaq» siiaqty birqatar jobalar júzege asyryldy. Bul jumystar qazirgi ýaqytta Óńirlerdi damytýdyń 2020 jylǵa deiingi baǵdarlamasy men «Nurly jol» arqyly jalǵasyn taýyp otyr. Ony zań jaǵynan qoldaý úshin Májilis te kóptegen sharalar atqaryp keledi. Depýtattar tiisti memlekettik organdarǵa usynystar jasap, biýdjetten qosymsha qarajattar bólýge de erekshe yqpal etti.
«Sondyqtan aýyz sý máselesin sheshý úshin memleketten jyl saiyn kerek qarjy bólinip otyr. Endigi másele - ony tiimdi paidalaný. Al ol úshin barlyq jumystardy durys uiymdastyryp, sýdy paidalanýdyń jańa tehnologiialaryn engizý qajet. Osyǵan orai jerasty sýlaryn paidalanýǵa qatysty naqty jospar jasap, aýyldarda jańa sý qurylystaryn qolǵa alý kerek. Osynyń barlyǵy aýyz sý máselesin tolyqtai sheshýge múmkindik beredi. Sonymen birge halyq arasynda sýdy únemdep paidalaný týraly aqparattyq túsindirý jumystaryn júrgizý kerek. Sebebi «sýdyń da suraýy bar» degendei, bir tamshy sýdy baǵalap, qolda bar bailyǵymyzdy saqtaý barshamyzdyń eń úlken mindetimiz», - dedi Nurlan Nyǵmatýlin.
