Májilistiń jalpy otyrysynda «Qazaqstan Respýblikasynyń keibir zańnamalyq aktilerine erekshe qorǵalatyn tabiǵi aýmaqtar máseleleri boiynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy QazAqparat tilshisi.
Zań jobasy 2020 jylǵy 3 maýsymda birinshi oqylymda maquldandy .
Zań jobasyn ázirleýdiń negizgi maqsaty - týrizm obektilerin, sý sharýashylyǵy qurylys jailaryn salý jáne olardyń jumys isteýi, Memlekettik shekara obektilerin jailastyrý men olardyń jumys isteýi, qorǵanys muqtajy úshin buryn erekshe qorǵalatyn tabiǵi aýmaqtardyń quramynan shyǵarylǵan ári kórsetilgen maqsatta paidalanylmaityn bosalqy jerdi olardyń quramyna qaitarý rásimin ońailatý.
«Bul ózgerister ekologiialyq, ǵylymi, tarihi-mádeni jáne rekreatsiialyq jaǵynan erekshe qundy ári qaitarylatyn jer ýchaskelerinde ornalasqan tabiǵi-qoryq qorynyń tabiǵi keshenderi men obektilerin saqtaý qajettiliginen týyndap otyr. Bul rette, mundai jerdi aýystyrý týraly sheshim memlekettik ekologiialyq saraptamanyń oń qorytyndysy bolǵan kezde jáne jaratylystaný-ǵylymi, sondai-aq tehnikalyq-ekonomikalyq negizdemelerdiń jobalaryn ázirlemei erekshe qorǵalatyn tabiǵi aýmaqtyń sanatyna bailanysty qabyldanatyn bolady», - dedi Májilis depýtaty Aiqyn Qońyrov.
Zań jobasynda 2 zańnamalyq aktige: Jer kodeksine jáne «Erekshe qorǵalatyn tabiǵi aýmaqtar týraly» Zańǵa ózgerister men tolyqtyrýlar engiziledi.
Jumys toby zań jobasyn jumys tobynyń 3 otyrysynda jáne bas Komitettiń keńeitilgen 2 otyrysynda talqylaý barysynda ýákiletti memlekettik organdar ókilderiniń qatysýymen 15-ke jýyq túzetýdi qarady.
Sonyń nátijesinde, qujatqa zań jobasyn ázirleýdiń negizgi maqsatyna bailanysty, sondai-aq zań jobasynyń normalaryn Qazaqstan Respýblikasynyń qoldanystaǵy zańnamasyna jáne zań tehnikasynyń qaǵidalaryna sáikes keltirý bóliginde redaktsiialyq-naqtylaýshy sipattaǵy túzetýler engizildi.
