Kórneki foto: pixabay.com
Almaty prokýrorlary jer silkinisi týraly jalǵan aqparat úshin jaýapqa tartýdyń alǵashqy faktileri týraly habarlady.
"Jer silkinisi kezinde áleýmettik jeliler men messendjerlerde tabiǵi apattyń saldary týraly kórineý jalǵan habarlamalardy ornalastyrý faktileri anyqtaldy, bul óz kezeginde azamattar arasynda dúrbeleń jáne keń qoǵamdyq rezonans týdyrdy.
Mundai áreketterdi jasaý faktileri boiynsha qazirgi ýaqytta 1995 jáne 2006 jyldary týǵan eki áieldiń jeke basy anyqtaldy", - delingen habarlamada.
Qala prokýratýrasynyń málimetinshe, atalǵan tulǵalar Qazaqstan Respýblikasynyń Ákimshilik quqyq buzýshylyq týraly Kodeksiniń 456-2-babynyń 3-bóligi ("Onlain-platformalardy paidalanýshylardyń qoǵamdyq tártiptiń, azamattardyń nemese uiymdardyń quqyqtary men zańdy múddeleriniń ne qoǵamnyń nemese memlekettiń zańmen qorǵalatyn múddeleriniń buzylýyna jaǵdai jasaityn jalǵan aqparatty ornalastyrýy, taratýy, eger bul áreketterde qylmystyq jazalanatyn is-áreket belgileri bolmasa") boiynsha 10 ailyq eseptik kórsetkish mólsherinde aiyppul túrinde jaza qoldanýmen ákimshilik jaýaptylyqqa tartylǵan.
Bul baǵyttaǵy jumys jalǵasyp jatyr.
