Foto: QazAvtoJol
Jambyl oblysyndaǵy jer silkinisinen keiin jasandy qurylystarǵa esh zaqym kelgen joq. Bul týraly QazAvtoJol baspasóz qyzmeti habarlady.
Jambyl oblysynyń aýmaǵynda bolǵan jer silkinisi týraly kelip túsken aqparatqa bailanysty jolshylar yqtimaldy áser etý aimaǵyndaǵy infraqurylymnyń jai-kúiin shuǵyl tekserip shyqty.
— Merki jáne Turar Rysqulov aýdandaryndaǵy 5 jol airyǵy, 2 temirjol ótpesi men 3 kópir egjei-tegjeili tekserilip, kólik qozǵalysynyń qaýipsizdigine kóz jetkizildi, — delingen habarlamada.
Aita ketelik Jambyl oblysyndaǵy jer silkinisi bolyp, Turar Rysqulov aýdany Qaraqystaq aýylyndaǵy mádeniet úii, Merki aýdandyq aýrýhanasy, Oital aýylyndaǵy mektep ǵimaratynyń qabyrǵasynda jaryqshaq paida bolǵany anyqtalǵan edi.
Sondai-aq oblys ákiminiń tapsyrmasyna sáikes oblystyq jedel shtab jumys istep jatyr.
