Qazaqstan Prezidenti Qasym-Jomart Toqaev osy ýaqytqa deiin 12,8 mln gektar igerilmegen jerdiń 7 mln gektary memleketke qaitarylǵanyn málim etti, dep habarlaidy «Ult aqapart».
Bul týraly Qazaqstan Prezidenti Qasym-Jomart Toqaev Úkimettiń keńeitilgen otyrysynda aitty.
«Igerilmegen jáne tiimsiz igerilgen jerlerdi anyqtap, ony alyp qoiý maqsatymen ǵaryshtan monitoring jasaýdy zańnamalyq turǵydan bekittik. Túgendeý barysynda anyqtalǵan 12,8 mln gektar igerilmegen jerdiń 7 mln gektary memleketke qaitaryldy. Jerdi aldyń ba, ony igerý kerek», - dedi Qasym-Jomart Toqaev.
Qasym-Jomart Toqaev 2021 jyly Jer kodeksiniń jekelegen normalaryna jariialanǵan moratorii aiaqtalatynyn aitty.
«Osyǵan bailanysty bul másele jóninde túpkilikti sheshim qabyldaýymyz kerek. Negizgi máseleni aiqyndap aldyq. Jer sheteldikterge satylmaidy. Bul máselege endi oralmaimyz», - dedi ol.
